गुल्मी — रेसुंगा नगरपालिकाभित्र तीन वर्षमा ६५ किलोमिटर सडक पक्की भएको छ । सदरमुकाम तम्घाससहित आसपासको क्षेत्र समेटिएको नगरपालिकाका १४ वटा वडामा तीन वर्षमा उक्त सडक कालोपत्र र ढलान गरी पक्की बनेको हो । 

रेसुंगा नगरपालिकाले आर्थिक वर्ष २०८१/८२ को वार्षिक प्रगति सार्वजनिक गर्ने क्रममा २३ किलोमिटर सडक पक्की गर्न सफल भएको जानकारी गराएको छ । त्यसअघि नगरभित्र आर्थिक वर्ष २०७९/८० मा २४ किलोमिटर र आर्थिक वर्ष २०८०/८१ मा १७ किलोमिटर सडक कालपत्र र आरसीसी ढलान गरी पक्की सडक बनेको नगर प्रमुख खिलध्वज पन्थीले बताए । 

रेसुङ्गा नगरपालिका-६ थामा, वडा ४ अर्खलेमा स्वामीका रुख-मसिनापोखरी सडक, सेउघा-बलालकाबारी सडक, रायढुङ्गा-खाम्सेपानी सडक र डीएनडी चोक-भण्डारी टोल सडक आरसीसी ढलान, नाली निर्माण र कालोपत्र भएका छन् । 

वडा नम्बर ३ मा बेंहोरे सडक, भनभने-नुनथला-बाँझीपोखरी सडक, तम्घास भाडागाउँ बाँझाघाट आरसीसी ढलान र कालापत्र गरी पक्की सडक बनेको छ । वडा नम्बर १३ मा दुबीचौर सडक, ढिकीडाँडा-नुनथला सडक, वडा कार्यालय जाने सडक, पँधेंराखोला-कालिका मन्दिर सडक र सिराना घुम्ती-कल्लेरी-गुल्मीदरबार सडक कालोपत्र बनेका छन् । नगरभित्र तम्घासका सबै टोलका सडक पक्की बनेका छन् । 

रेसुंगा नगरपालिकामा तीन आर्थिक वर्षमा खाम्सेपानी-भुवनपानी-रातडाँडा सडक, तम्घास बजार क्षेत्र सडक, तम्घास-रेसुङ्गा सडक, खाम्सेपानी-नेटाखर्क सडक, आदर्शचोक-सेतोगुराँस सडक, सेउघा-सिमाघाट सडक र घुम्ती-तम्घास सडक पक्की बनेका छन् । 

तम्घास-खाम्सेपानी सडक, तम्घास-नेटा सडक, नेटा-अडबिसे सडक, रातडाँडा-सिमलपाटा कृषि सडक, देउराली-कमेरेपानी सडक, आदर्शबोडिङ्ग-पुतलीबजार सडक, कोलिनिका-रेसुङ्गा स्कुल सडक र आदर्शचोक-सेतो गुराँस सडक पनि पक्की बनेका छन् । 

त्यस्तै एभरग्रीन-कारागार सडक, थापाटोल सडक, खाम्सेपानी-बर्दबास सडक, पोखरेलटोल-सानी पीपल सडक, रानीगाडे सडक, साउनेखोला-लामडाँडा सडक, आठबिसे-अतरकाँडा-बालकाटे सडक र लाम्पटा-डाँडाखर्क-बरारुख सडक पक्की बनेका छन् । 

साथै साखिने-कुँडापानी सडक, भुजेलटोल-एभरग्रीन सडक, पाँचदोबाटो-हुँगेली टोल सडक, पाँचदोबाटो-थुम्का सडक, बजाज सोरुम-जिल्ला प्रहरी-शिवालय टोल सडक र पाण्डेटोल-मरासिनी टोल सडक पनि पक्की बनेका छन् । 

त्यस्तै बगालेखोला सडक, चारीखोला सडक, विद्युत् रिङरोड सडक, फेरा-भुल्के सडक, धरमपानी-तानाम्ग सडक, आमडाँडा सडक, आमडाँडा-थापाटोल सडक, दह-रैया सडक, उर्लेनी सडक, हृवाक्ने छहरा-बुढीझिर्मी सडक र गर्जरा-पराल्मी सडक पनि कलोपत्र र अरसीसी ढलान गरी पक्की बनेका छन् ।

नगरपालिकाभित्र आर्थिक वर्ष २०८१/८२ म मात्रै सडकसहित अन्य विकास बजेटअन्तर्गत ९२ करोड रुपैयाँको काम भएको छ । नगर प्रमुख पन्थीले पूर्वाधार क्षेत्रको आधारस्तम्भ सडक पूर्वाधारको क्षेत्रमा विकास भएको बताए । ‘हामीले धेरै सडक कालोपत्र र ढलान गरी पक्की गर्न सफल भएका छौं,’ उनले भने, ‘सहज सडकले विकासका अन्य आधार पनि तय गर्दछ ।’