दुर्घटनामा परी २० वर्षीय खेम भुसालको मृत्यु भएको प्रहरीले जनाएको छ।
तिलोत्तमा — रुपन्देहीमा सोमबार बिहान मोटरसाइकल दुर्घटनामा परी एक जनाको मृत्यु भएको छ।
तिलोत्तमा नगरपालिका-५ मणिग्राममा मोटरसाइकल अनियन्त्रित भई पल्टिँदा नवलपरासी घर भइ हाल तिलोत्तमा १४ बस्दै आएका २० वर्षीय खेम भुसालको मृत्यु भएको प्रहरीले जनाएको छ ।
जिल्ला प्रहरी कार्यालयका अनुसार बुटवलबाट भलवारीतर्फ जाँदै गरेको लु ४६ प ८२९१ नम्बरको मोटरसाइकल बिहान पौने ४ बजे मणिग्राममा आफैँ अनियन्त्रित भई डिभाइडरमा ठोक्किएर पल्टिएको थियो ।
त्यसक्रममा गम्भीर घाइते भएका भुसालको उपचारको लागि क्रिमशन अस्पताल पुर्याइएकोमा तत्कालै उनको मृत्यु भएको प्रहरीको भनाइ छ । पानी परेकाले सडकमा टायर चिप्लिएर दुर्घटना भएको हुनसक्ने प्रहरीले अनुमान गरेको छ ।
