अटो दुर्घटनामा २३ वर्षीय चालक सहित तीन किशोरी गम्भीर घाइते भएका छन्। उनीहरूको तुलसीपुरमा उपचार भइरहेको छ।
दाङ — दंगीशरण गाउँपालिका–२ मधपुरमा बुधबार बिहान अटो दुर्घटना हुँदा चार जना घाइते भएका छन् । कौवाघारीबाट गोल्टाकुरी जाँदै गरेको अटो अनियन्त्रित भई सडकबाट करिब ३ मिटर तल नालामा खसेको थियो ।
दुर्घटनामा घाइते हुनेमा अटो चालक रुकुम पश्चिम चौरजहारी नगरपालिकाका २३ वर्षीय धनबहादुर महतरा, दंगीशरण गाउँपालिका–२ की १६ वर्षीया संजिता चौधरी, सोही ठाउँकी १३ वर्षीया सदीक्षा बुढामगर र १४ वर्षीया योनिका विक रहेका छन् ।
घाइतेहरूको राप्ती प्रादेशिक अस्पताल, तुलसीपुरमा उपचार भइरहेको छ । दुर्घटनास्थलमा प्रहरी चौकी गोल्टाकुरीबाट प्रहरी सहायक निरीक्षक कनैयालाल चौधरीको कमान्डमा प्रहरी टोली खटिएको इलाका प्रहरी कार्यालय तुलसीपुरले जानकारी दिएको छ ।
