तिलोत्तमा — मालपोत कार्यालय बुटवलका अधिकृत घनश्याम अर्याल पक्राउ परेका छन् ।
उनले सरकारी छाप दुरुपयोग गरी नक्कली लालपुर्जा वितरण गरेको आरोपमा प्रहरीले अर्यालसहित भैरहवा मालपोत कार्यालयका कार्यालय सहयोगी सञ्जयकुमार केवटलाई शुक्रबार बिहान पक्राउ गरेको हो ।
जिल्ला प्रहरी कार्यालयका डीएसपी गणेश सापकोटाले उनीहरुलाई अदालतबाट म्याद थप गरी अनुसन्धान गरिरहेको बताए ।
