तिलोत्तमा — रुपन्देहीको रोहिणी गाउँपालिकाका किसानलाई बोयर बोका वितरण गरिएको छ । बाख्राको नश्ल सुधारका लागि बोका वितरण गरिएको गाउँपालिकाको पशु सेवा शाखा प्रमुख विनोद कुमार ठाकुरले बताए ।
६ वटा बाख्रापालन समूहलाई २ वटाका दरले १२ वटा बोयर बोका वितरण गरिएको ठाकुरले जानकारी दिए । प्रतिबोका ५० हजार रुपैयाँ परेको शाखाले जनाएको छ । शाखाका अनुसार ६ लाखमा १२ वटा बोका खरिद गरिएको हो ।
कार्यक्रममा बोल्दै रोहिणी गाउँपालिकाका अध्यक्ष विद्याप्रसाद यादवले आगामी दिनमा पनि कृषकको माग अनुसार बोयर बोका वितरण गरी सहयोग गरिने बताए । उनले किसानको संख्या अधिकतम रहेको पालिका भएकाले कृषि क्षेत्रमा लगानीसमेत अन्य क्षेत्रमा भन्दा धेरै गरेर काम गरिरहेको बताए ।
