बर्दिया — शुक्रबार बेलुकी आएको हावाहुरीले गुलरिया नगरपालिका–११ स्थित कुखुरा फर्मको छाना उडाएपछि ४ सय बढी बोइलर कुखुरा मरेका छन् ।
हावाहुरीले मुन्सि त्लीको खरले छाएको छाना उडाएर च्यापिन गई कुखुरा मरेको प्रहरीले जनाएको छ ।
फर्मभित्र रहेका ४ सय २० वटा कुखुरा छानाले च्यापिएर मरेको जिल्ला प्रहरी कार्यालय, बर्दियाका सूचना अधिकारी एंव प्रहरी नायब उपरीक्षक चक्र डमर पालले बताए ।
हावाहुरीले छत खसेर ५ लाख ७३ हजार बढीको कुखुरा र फर्मको भौतिक संरचनामा क्षति पुगेको उनले बताए ।
यस्तै हावाहुरीसँगै आएको वर्षातले गुलरिया नगरपालिका र बढैयातालका केही कच्ची घरलाई क्षति पुर्याएको छ ।
