दाङ — तुलसीपुर उपमहानगरपालिका-७ मोतीपुरका नारायण आचार्यको निधन भएको ६ दिनपछि उनकी श्रीमती भगवती शर्माको किरिया बसेकै अवस्थामा शनिबार निधन भएको छ ।
शुक्रबार राति जीवनजल पानी खाएर सुतेकी शर्मालाई बिहान उठाउने बेला न उठेपछि तत्काल राप्ती लाइफ केयर हस्पिटल तुलसीपुर लगिएको थियो ।
अस्पताल पुर्याएलगत्तै चिकित्सकले मृत घोषणा गरेका थिए । शर्मा लामो समयदेखि सुगर, प्रेसर रोगबाट पीडित थिइन् ।
उनका श्रीमानको ६ दिनअघि गोली लागेर मृत्यु भएको थियो । घरमै रहेको १२ बोर बन्दुकले आफैं गोली हानेर आत्महत्या गरेको प्रहरी अनुसन्धानले देखाएको छ ।
