बुटवल — सशस्त्र प्रहरीले रूपन्देहीका दुई स्थानबाट १४ लाख रुपैयाँ भन्दा बढी मुल्यको भन्सार छलेको सामानसहित दुई गाडी नियन्त्रणमा लिएको छ । दुई स्थानमा बरामद भएका सामानको १४ लाख ४ हजार ७ सय ६५ रुपैयाँ र दुई गाडीको २२ लाख मूल्य गरी ३६ लाख ४ हजार ७ सय ६५ रुपैयाँ कायम गरी भन्सार दाखिला गरिएको छ ।

प्रहरी बल नेपाल सुरक्षा वेश बुटवलले बुटवल उपमहानगरपालिका–६ ट्राफिक चोकस्थित सिद्धार्थ राजमार्गबाट पोखरातर्फ लैजान लागिएको ६१ बोरा चिउरा र लत्ताकपडासहित लु १ ज ३७९६ नम्बरको जिप नियन्त्रणमा लिइएको हो । उक्त सामाग्रीको मूल्य ७ लाख ६४ हजार ५ सय ३५ रूपैयाँ बराबर रहेको प्रहरीले जनाएको छ ।