पाल्पा — नयाँ वर्ष २०८२ को पहिलो दिन पाल्पाको पर्यटकीयस्थल तानसेन नगरपालिका-१० तेल्घाको गुफाचौरमा पहिलोपटक खाना तथा पर्यटन महोत्सव आयोजना गरिएको छ । तेल्घाको गुफाचौरमा स्थानीय समुदायले कला संस्कृति जगेर्ना गर्न नयाँ वर्षका अवसरमा खाना तथा पर्यटन महोत्सव आायोजना गरेको हो ।

गुफाचौरमा तेल्घा, मस्याम, बन्दीपोखरालगायतका स्थानबाट स्थानीय परम्परागत खानाका परिकार बटुक, सेलरोटी, चुकाउनी, मेवाको अचार प्रदर्शनी तथा बिक्री गरिएको थियो । महोत्सवमा पाल्पाबाहेक गुल्मी, रुपन्देही, नवलपरासी, कपिलवस्तु, अर्घाखाँचीबाटसमेत अवलोकनका लागि आएका थिए । 

महोत्सवको प्रतिनिधिसभामा राज्यका निर्देशक सिद्धान्त, नीति र दायित्वको कार्यान्वयन अनुगमन तथा मूल्यांकन समितिका सभापति ठाकुर गैरेले उद्घाटन गर्दै गुफाचौरलाई पर्यटकीय गन्तव्यका रूपमा विकास गर्न स्थानीय पालिकाले योजना बनाउनुपर्ने र संघीय सरकारले सहयोग गर्ने बताए । ‘यहाँको जनताको अपेक्षा बमोजिम पर्यटन क्षेत्रको पूर्वाधार निर्माण गर्न सघाउने नै छौं,’ उनले भने, ‘स्थानीय सरकार, प्रदेश र संघीय सरकारको पहलकदमीमा गुफाचौर क्षेत्रलाई विकास गर्ने दृढ अठोट छ ।’ 

महोत्सवमा महिला तथा पुरुष समूहको पञ्चेबाजा, लोक तथा दोहोरी एवं चुट्का गायक शिरिष देवकोटाले महोत्सवमा नचाए । मगर संस्कृतिमा आधारित झाम्रे लगायत नाचका साथै कला केन्द्रको प्रस्तुति थियो । स्थानीय खानाका परिकारले सबैलाई आकर्षित तुल्याएको थियो भने नयाँ वर्ष मनाउने जानेहरुले शुभकामना आदानप्रदान गर्दै खानपिन गरेका थिए ।