प्रतियोगिताको च्याम्पियन बनेको बर्दियाले नगद १ लाखसहित शिल्ड, मेडल र प्रमाण पत्र प्राप्त गरेको छ भने उपविजेता दाङले नगद ५० हजारसहित शिल्ड, मेडल र प्रमाण पत्र प्राप्त गरेको छ ।

प्रतियोगिताको उत्कृष्ट खेलाडी दाङका हरि बुढा घोषित भए । सर्वाधिक गोलकर्ता दाङका विशाल वली हुँदा बाँकी विधामा बर्दियाका खेलाडीको वर्चश्व रह्यो । प्रतियोगिताको उत्कृष्ट गोलकिपर बर्दियाका विशाल थारु, उत्कृष्ट डिफेन्डर बर्दियाका मनिष खड्का, उत्कृष्ट मिडफिल्डर बर्दियाका संगम सारु र उत्कृष्ट प्रशिक्षक पनि बर्दियाका रामजीत थारु घोषित भए ।

प्रतियोगिताको उत्कृष्ट खेलाडी हरि बुढाले नगद १० हजार रुपैयाँ पाउँदा विधागत रुपमा उत्कृष्ट सबैलाई नगद ५ हजार रुपैयाँसहित पुरस्कृत गरिएको लुम्बिनी प्रदेश खेलकुद परिषदका सदस्य सचिव तिरनदाज गौतमले जानकारी दिए ।

प्रतियोगिता समापन समारोहमा प्रमुख अतिथिसमेत रहेका भौतिक पूर्वाधार तथा विकासमन्त्री भूमीश्वर ढकालले समाज निर्माणको आधार खेलकुद बन्न सक्ने बताए । उनले प्रदेश सरकारले खेलकुदको विकासका लागि नीतिगत रुपमा काम गर्ने प्रयास गरिरहेको भन्दै यसको संस्थागत विकासका लागि आगामी दिनमा बजेट बढाउँदै खेल पूर्वाधार विकासमा विशेष ध्यान दिने प्रतिबद्धता जनाए ।