अर्घाखाँची — मालारानी गाउँपालिका-४ खनमा जीप दुर्घटनामा घाइते भएका दुई जनाको उपचारका क्रममा मृत्यु भएको छ । शनिबार लु २ च २९९० जिप दुर्घटना हुँदा चार जना घाइते भएका थिए ।
मृत्यु हुनेमा मालारानी गाउँपालिका-४ का २२ वर्षका चालक दिलिप खनाल र त्यही ठाउँका २१ वर्षका बालकृष्ण रिजाल रहेका छन् । उनीहरूको अर्घाखाँची अस्पतालमा उपचारको क्रममा आज बिहान मृत्यु भएको प्रहरीले जनाएको छ ।
त्यहीँकै वर्ष १७ का वसन्त पोखरेल र भुवन पोखरेललाई थप उपचारका लागि बुटवल रिफर गरिएको छ । घटना शनिबार दिउँसो भएको प्रहरी निरीक्षक विष्णुप्रसाद पौडेलले बताए ।
