बर्दिया — बर्दिया राजापुर नगरपालिका–६ बदालपुरस्थित राजापुर सुगर मिलको गोदाममा आगलागी केही सामान जलेको छ ।
निर्माणाधीन सुगर मिलको गोदाममा रहेको लिक्युड राख्ने २० लिटरको टिनमा वेल्डिङ गर्ने क्रममा आगलागी भएको जिल्ला प्रहरी कार्यालय,बर्दियाका प्रहरी निरीक्षक भुपेन्द्र शाहीले बताए ।
स्थानीय,प्रहरी,सशस्त्र प्रहरी र दमकलको सहयोगमा आगलागी पूर्ण रूपमा नियन्त्रणमा आएको उनले जनाए । उक्त घटना सदरमुकाम गुलरियाबाट करिब ४५ किमी पश्चिम उत्तरमा भएको हो ।
