बर्दिया — मधुवन नगरपालिका–४ लाई शनिवार बालविवाह मुक्त घोषणा गरिएको छ । उक्त पालिकाले पहिलो पटक वडा नम्बर ४ लाई बालविवाह मुक्त घोषणा गरेको हो।
लुम्बिनी प्रदेशका सामाजिक विकासमन्त्री जन्मजय तिमिल्सेनाले एक कार्यक्रमबीच उक्त वडालाई बालविवाहमुक्त घोषणा गरेका हुन् ।
बाँके युनेस्को क्लब पालिकाका प्रतिनिधि लगायतको सहयोगमा घर-घर पुगेर सर्भे गरी प्राप्त तथ्यका आधारमा घोषणा कार्यक्रम भएको हो ।
बाँके युनेस्को क्लबका संस्थापक अध्यक्ष प्रवेज अली सिद्दीकीले बालविवाहका लागि ०७७ को रणनीति अनुसार सूचक पूरा भएको र वडालाई बालविवाहमुक्त घोषणा गरिएको बताए । घोषणा पूर्व सर्भे, जनचेतना लगायत कार्यक्रमहरू गरिएको छ ।
