पश्चिम नवलपरासी — पश्चिम नवलपरासीमा गोली प्रहार गरेर मानिस हत्या गरेको आरोपमा प्रहरीले तीन जनालाई पक्राउ गरेको छ । बिहीबार साँझ ६ बजे सुस्ता गाउँपालिका वडा नम्बर २ मुसहर टोलका २३ वर्षीय रोहन महतोको गोली हानी हत्या गरेको आशंकामा प्रहरीले ३ जनालाई पक्राउ गरेको हो ।
हत्यामा संलग्न रहेको भन्दै प्रहरीले स्थानीय विशाल मुसहर, मोहन थारु र साहिल थारुलाई पक्राउ गरिएको प्रहरीले जनाएको छ ।
जिल्ला प्रहरी कार्यालय नवलपरासीका प्रहरी उपरीक्षक ज्ञानेन्द्रप्रसाद फुयालले बताए । पक्राउ परेकाहरूको साथबाट स्थानीय रुपमा तयार पारिएको एक थान पेस्तोल, २८ थान छर्रा,१२ वटा सलाई, तीन थान छर्रा राख्ने फ्रेम बरामद गरेको छ । पक्राउ परेका तीन जनालाई ज्यानसम्बन्धी तथा हातहतियार खरखजना कसुरमा अनुसन्धान भइरहेको छ ।
