आइतबार दिउँसो वर्षासँगै चलेको हावाहुरीले ताप्लेजुङका विभिन्न स्थानमा क्षति पुर्याएको छ ।
ताप्लेजुङ — आइतबार दिउँसो वर्षासँगै चलेको हावाहुरीले जिल्लाका विभिन्न स्थानमा क्षति पुर्याएको छ ।
सिदिङवा गाउँपालिकाको साब्लाखु भन्याङमा सरस्वती माध्यमिक विद्यालय साब्लाखुको छाना हावाहुरीले उडाएको छ । मेहेलेको चुङबुङमा टीका राईको घर र नजिकैको विद्यालय भवनमा क्षति पुर्याएको स्थानीयले बताएका छन् ।
मेहेले, लिम्बूदिन, सादेवा, साम्लाखुभन्ज्याङ लगायतका स्थानमा क्षति पुर्याएको, तर पूर्ण विवरण आइनसकेको गाउँपालिका उपाध्यक्ष कृष्णकुमारी कर्डरियाले जानकारी दिइन् । विद्युत्, इन्टरनेट र सडकसम्म पनि अवरूद्व भएको स्थानीय राजकुमार लिम्बूले जानकारी दिए ।
