यसैगरी, नेकपा एमाले धनकुटाले आफ्ना उम्मेदवारविरुद्ध सामाजिक सञ्जालमार्फत गलत फोन नम्बर उल्लेख गर्दै भिडियो तथा अडियो सामग्री सार्वजनिक गरी व्यक्तिगत गालीगलौज, मानहानी तथा बदनियतपूर्ण टिप्पणी गरिएको भन्दै उजुरी दिएको थियो।

सोही उजुरीका आधारमा मुख्य निर्वाचन अधिकृतको कार्यालयले स्वतन्त्र उम्मेदवार लाक्पा तामाङलाई लिखित स्पष्टीकरण सोधेको जनाएको छ ।

यस्ता उजुरीका सम्बन्धमा प्रारम्भिक छानबिन गरी आवश्यक निर्देशन तथा सचेत गराउने काम भइरहेको आचारसंहिता अनुगमन संयोजक रेग्मीले बताए । उनका अनुसार लिखित उजुरी परेका विषयमा औपचारिक प्रक्रिया अपनाइने र मौखिक उजुरीका हकमा प्रारम्भिक तहमा छलफल तथा सचेत गराउने अभ्यास गरिएको छ।

निर्वाचन नजिकिँदै जाँदा प्रचारप्रसारका गतिविधि तीव्र बन्दै गएको अवस्थामा आचारसंहिताको पालना गराउन प्रशासनले निगरानी बढाएको जनाएको छ। कार्यालयले सबै दल तथा उम्मेदवारलाई आचारसंहिता पूर्णरूपमा पालना गर्न आग्रह समेत गरेको छ।