हाफटाइम अगाडि नै ३-१ गोलले अग्रता लिएको सहलेसको पूरै खेलमा दबदबा रह्यो । सहलेसले क्वाटर फाइनलमा दमक झापालाई पराजित गरेको थियो भने सेमिफाइनलमा एपीएफ काठमाडौंलाई पराजित गरेको थियो ।

यङ ब्रदरले क्वाटरफाइनलमा आयोजक बसाहालाई पराजित गरेको थियो भने सेमिफाइनलमा न्यू त्रियुगा स्पोर्ट्स क्लब सप्तरीलाई पराजित गरेको थियो। फाइनल खेलको म्यान अफ दि म्याच चलेसका जर्सी नम्बर ५ का विदेशी खेलाडी अब्दुल भए। प्रतियोगिताको सर्वाेत्कृष्ट खेलाडी सहलेसका असिम राई भए । उनले ७ हजार नगद पुरस्कार प्राप्त गरे। प्रतियोगिताको उत्कृष्ट गोलरक्षक  सहलेसका सागर मगर भए । प्रतियोगिताको सर्वाधिक गोलकर्ता सहलेसका विकी चापलिङ राई भए। प्रतियोगिताको सर्वाधिक गोलकर्ता
उत्कृष्ट मिटफिल्डर सहलेशका सुनिल खड्का भए । उत्कृष्ट डिफेन्डर सहलेसका सबिन घिमिरे भए ।
उत्कृष्ट फरवार्ड खेलाडी यङ ब्रदरका विदेशी खेलाडी फोफोना भए ।

प्रतियोगिताको उदीयमान खेलाडी बसाहा क्लबका नम्मुहाङ राई भए। विभिन्न विधाका यी उत्कृष्ट खेलाडीहरूले पाँच-पाँच हजारका दरले पुरस्कार प्राप्त गरे। 

प्रजातन्त्र सेनानी स्वर्गीय नारदमूनि थुलुङको स्मृतिमा बसाहा क्लबले खेलाउँदै आएको गोल्डकप उदयपुरकै प्रतिष्ठित प्रतियोगिता हो । प्रतियोगितालाई चौदण्डीगढी नगरपालिकासहित देशविदेशमा रहेका विभिन्न व्यक्ति र संघसंस्थाको सहयोग रहेको थियो।