सुनसरी — कोशी प्रदेश क्रिकेट संघद्वारा आयोजना हुने एलाइट कप क्रिकेट प्रतियोगिताका लागि सुनसरी जिल्लाको टिम घोषणा गरिएको छ।

ईटहरीमा तीन दिनसम्म गरिएको छनौट प्रतियोगिताको आधारमा सुनसरी जिल्ला क्रिकेट संघले खेलाडीहरूको नाम सार्वजनिक गरेको हो।

घोषित टिमको कप्तानी भूपाल लुइटेलले गर्नेछन् भने रितेश रोय र रोहन खत्री विकेटकिपरको भूमिकामा रहनेछन्। टिममा अनुभवी र युवा खेलाडीहरूको सन्तुलित संयोजन रहेको छ संघका अध्यक्ष सीपी पौडेलले जानकारी दिए।

घोषित अन्य खेलाडीहरूमा गौरव कटवाल, आकाश सर्राफ, रबिन मण्डल, रोहन शाह, ओम बहादुर कुँवर, समीर तिमल्सिना, अफान ताहिर, रिजान पाण्डे, कविराज खत्री, विकल्प आचार्य, आशिष मण्डल रहेका छन्।

टिमको व्यवस्थापकको जिम्मेवारी शिवकुमार यादवले सम्हाल्ने छन् भने प्रशिक्षकको रूपमा राजकुमार प्रधान रहनेछन्। सुनसरी जिल्ला क्रिकेट संघका अध्यक्ष चेतनाथ पौडेल सीपीद्वारा जारी सूचनामा छनोट भएका सम्पूर्ण खेलाडीहरूलाई बधाई दिँदै एलाइट कप प्रतियोगितामा सुनसरीको तर्फबाट उत्कृष्ट खेल प्रदर्शन हुने विश्वास व्यक्त गरिएको छ।