योङहाङले भने, ‘पैसा लेनदेन गर्नु आचारसंहिता विपरित हो, आइन्दा यसो नगर्नु भनेर सचेत गराएका छौं । सोही व्यहोराको पत्र उम्मेदवारका मान्छेलाई बुझाइएको छ ।’ 

बासुरीबादक राईलाई पुरस्कृत गर्न पूर्वमन्त्री तथा एमाले धनकुटाका उम्मेदवार राई, कोशी प्रदेशसभा सदस्य निरन राई, सहिदभूमि गाउँपलिकाका अध्यक्ष मनोज राई र उपाध्यक्ष रत्नश्वरी राई समेत त्यहाँ पुगेका थिए । 
यता एमाले धनकुटाका प्रचारविभाग प्रमुख रविन कटेलले भने आफ्ना उम्मेदवारले आचारसंहिता उल्लघंन नगरेको भन्दै राजेन्द्रकुमार राईको बचाउ गरे । उनले भने, ‘राजेन्द्र राईले पैसा बाँड्नु भएको होइन, यो पूर्वनिधारित कार्यक्रम थियो, बिचमा ब्यस्तताले भ्याइएन, उम्मेदवारले पैसा दिएको पनि होइन । गाउँपालिका अध्यक्षले दिएको हो । उहाँले नगद दिनुभएको होइन सम्मान मात्रै गर्नुभएको हो ।’ 

निर्वाचन आयोगले जारी गरेको निर्वाचन आचारसंहिता २०८२ को दफा ४८ को उप दफा १ मा आचारसंहिता उल्लंघन भएमा १ लाख रुपैयाासम्म जरिवाना वा उम्मेदवारी रद्द गर्न सक्नेसम्मको कारबाही हुने उल्लेख छ ।