धनकुटा — आगामी फागुन २१ गते हुने प्रतिनिधि सभा निर्वाचनका लागि धनकुटामा राजनीतिक दल र स्वतन्त्र गरी १८ जनाको उम्मेदवारी दर्ता भएको छ ।

निवर्नचन नजिकिँदै जाँदा २०७९ सालको प्रतिनिधि सभा निर्वाचनको मत परिणामप्रति पनि चासो बढ्न थालेको छ ।

२०७९ को प्रतिनिधि सभा निर्वाचनमा धनकुटामा नेकपा एमालेका राजेन्द्रकुमार राई र लोकतान्त्रिक वाम गठबन्धनका तर्फबाट उम्मेदवार बनेका सुनिलबहादुर थापाबीच मुख्य प्रतिस्पर्धा भएको थियो । 

उक्त निर्वाचनमा नेकपा एमालेका उम्मेदवार राजेन्द्रकुमार राई ३० हजार १ सय १ मत प्राप्त गरेर विजयी भएका थिए । उनका निकटतम प्रतिस्पर्धी कााग्रेस नेता सुनिलबहादुर थापाले २८ हजार ७ सय ४ मत ल्याएका थिए ।

राजेन्द्रकुमार राई १ हजार ३ सय ७ मतको अन्तरले निर्वाचित भएका थिए । तत्कालीन माओवादी केन्द्रबाट अलग भएर स्वतन्त्र उम्मेदवारी दिएका हेमराज भण्डारीले ५ हजार ९ सय २६ मत प्राप्त गर्दै तेस्रो स्थान हासिल गरेका थिए । 

राष्ट्रिय प्रजातन्त्र पार्टीका कुमारबहादुर थापाले १ हजार ५९ मत ल्याएका थिए भने संघीय लोकतान्त्रिक राष्ट्रिय मञ्चका आरामकुमार लिम्बूले ६ सय २५ मत प्राप्त गरेका थिए । यसैगरी मंगोल नेशनल अर्गनाइजेशनका विश्वामित्र तिगेलाले २ सय १७ मत र एकीकृत शक्ति नेपालका रमेश राईले ९५ मत प्राप्त गरेका थिए ।