प्रतिवादी तामाङले नाम समेत फेरेर मोरङ जिल्लाबाट मेघबहादुर तामाङको नाममा नागरिकता निकालेको धनकुटाका एसपी शरतकुमार थापा क्षेत्रीले बताए । यस्तै बाल यौन दुर्व्यवहार मुद्दामा २०८१ असोज २ मा जिल्ला अदालत धनकुटाले ४ महिना ११ दिन कैद र १० हजार रुपैयाँ जरिवाना तोकेका अर्का एक जना फरार प्रतिवादीलाई पनि प्रहरीले सोमबार पक्राउ गरेको छ ।

धनकुटाको पाख्रीवास १ कुँवरटोलका ६० वर्षीय माधवप्रसाद बरुवाललाई पक्राउ गरी अदालतमा उपस्थित गराइएको प्रहरीले जनाएको छ ।

धनकुटा प्रहरीले चालू आर्थिक वर्षको साढे पाँच महिनामा हत्या, कर्तव्य ज्यान, बलात्कार, वन पैदावार र बैंकिङ कसुरलगायत आरोपमा अदालतबाट २८ वर्ष ६ महिना २९ दिन कैद तथा १६ लाख ८७ हजार ५ सय ५० रुपैयाँ जरिवाना ठहर भएका २७ जना प्रतिवादीलाई पक्राउ गरी अदालतमा बुझाएको एसपी थापा क्षेत्रीले जानकारी दिए । यस्तै गत वर्ष धनकुटा प्रहरीले ४८ वर्ष ५ महिना १० दिन कैद र २ लाख ९९ हजार ७ सय ८० रुपैयाँ जरिवाना तोकिएका ५७ जना प्रतिवादी पक्राउ गरी अदालतमा उपस्थित गराएको थापा क्षेत्रीले बताए।