सुनसरी — धरान उपमहानगर प्रमुख हर्क साम्पाङले आफ्नै नेतृत्वमा गठन गरेको ‘श्रम संस्कृति पार्टी’ सङ्गठन विस्तारमा व्यस्त छ ।

निर्वाचन आयोगबाट ‘श्रम संस्कृति पार्टी’ दर्ताको प्रमाणपत्र लिएलगत्तै सङ्गठन विस्तारका लागि विभिन्न जिल्ला दौडाहामा व्यस्त रहेका अध्यक्ष साम्पाङले आजबाट कोशी प्रदेशबाहिरका जिल्लामा अभियान सुरुवात गर्दै छन् । यसअघि कोशीका जिल्लामा सङ्गठन विस्तार र चुनावी अभियान तीव्र बनाएका साम्पाङले आज मकवानपुरको हेटौंडामा सभा गर्दैछन । हेटौंडास्थित हुप्राचौरमा सभा हुने श्रम संस्कृति पार्टीका प्रवक्ता सत्य घलेले जानकारी दिए ।

सभालाई सम्बोधन गर्न साम्पाङ आज बिहानै हेटौंडा पुगिसकेका छन् । साम्पाङको पार्टीले कात्तिक १८ गते पाँचथरको फिदिम, मङ्सिर ११ मा ताप्लेजुङ, १२ मा तेह्रथुम, १३ मा संखुवासभामा, १५ मा झापाको दमक र मङ्सिर १७ गते बराहक्षेत्रमा सभा गरिसकेको छ ।