शनिबार राति भएका दुर्घट्नामा पाँचथरको फिदिम नगरपालिका १४ घर भएका सोहि ट्याक्टरका सह–चालक सोमबादुर राई (पञ्चे)को घट्नास्थलमै ज्यान गएको हो ।
पाँचथर — इलाम पाँचथर सिमावर्ती गोरुवाले भञ्ज्याङ नजिकै भएको ट्याक्टर दुर्घट्नामा एकजनाको ज्यान गएको छ ।
इलामको माइमझुवादेखि पाँचथरको लुङरुपातर्फ नेपाली हाते कागज बनाउने लोक्ताको भारी लिएर आँउदै गरेको प्रदेश १ ०२–००३ त ३४०२ नम्बरको ट्याक्टर इलाम र पाँचथरको सिमावर्ती गोरुवाले भञ्ज्याङ भीरबाट नजिक पल्टेको थियो ।
शनिबार राति भएका दुर्घट्नामा पाँचथरको फिदिम नगरपालिका १४ घर भएका सोही ट्याक्टरका सह चालक सोमबादुर राई (पञ्चे)को घट्नास्थलमै ज्यान गएको हो ।
घट्नापछि चालक फरार छन भने दुई जना घाइते भएका छन् । उनीहरुलाई उपचारका लागि पाँचथर जिल्ला अस्पताल ल्याइएको जिल्ला प्रहरी कार्यालय पाँचथरका प्रमूख (डिएसपी) अनिषकुमार कर्णले जानकारी दिए ।
