मङ्गलबार राति महेन्द्र उपरकोटी र कल्पना तोलाङ सार्कीको एकतले पक्की घरमा आगलागी भएको थियो ।
काठमाडौँ — फुुङलिङ नगरपालिका ४ भानुस्कुल छेउ कञ्चनजङ्घा टोलमा मंगलबार राति झाेला बनाउने कारखानामा आगलागी हुँदा लाखाैंकाे क्षति भएकाे छ ।
मङ्गलबार राति महेन्द्र उपरकोटी र कल्पना तोलाङ सार्कीको एकतले पक्की घरमा आगलागी भएको थियो ।
विद्युत सर्ट भई आगलागी हुँदा झोला बनाउने कारखानाका सरसामान जलेको जिल्ला प्रहरी ताप्लेजुङका सूचना अधिकारी प्रहरी निरीक्षक विवेक बस्नेतले जानकारी दिए ।
बस्नेतका अनुसार तीन लाख बराबरको ब्याग बनाउने मेसिन चार थान, २० लाख बराबरको तयारी ब्याग र १३ लाख बराबरको ब्याग बनाउन प्रयोग गरिने उपकरणसहितका सामग्री जलेका छन् । स्थानीय, प्रहरी, सेनासहितका सुरक्षा निकायले आगो नियन्त्रणमा लिएको उनले जानकारी दिए ।
