त्रियुगा नगरपालिका–२ मोथियाहीस्थित भित्रि सडकमा सोमबार बिहान ट्याक्टरको ठक्करबाट सोही ठाउँकी ७९ वर्षीया तेत्रीदेवी चौधरीको मृत्यु भएको हो ।
उदयपुर — ट्याक्टरको ठक्करबाट उदयपुरमा एक जनाको मृत्यु भएको छ ।
त्रियुगा नगरपालिका–२ मोथियाहीस्थित भित्रि सडकमा सोमबार बिहान ट्याक्टरको ठक्करबाट सोही ठाउँकी ७९ वर्षीया तेत्रीदेवी चौधरीको मृत्यु भएको हो ।
कच्ची सडकमा बाटो काट्ने क्रममा म.प्र. ०१–००१ त २५६४ नम्बरको ट्याक्टरको ठक्करबाट गम्भीर घाइते भएकी चौधरीलाई उपचारका लागि जिल्ला अस्पताल पुर्याइएकोमा चिकित्सकले मृत घोषणा गरेको जिल्ला प्रहरी कार्यालय उदयपुरका सूचना अधिकारी डिएसपी केदारमान दोङले बताए ।
दुर्घटनापछि फरार रहेका ४० वर्षीय ट्याक्टर चालक धर्मेन्द्र राजधामीको खोजी भइरहेको र ट्याक्टर धनि रामजिवास राजधामीलाई नियन्त्रणमा लिई अनुसन्धान भइरहेको प्रहरीले जनाएको छ ।
