जेन–जी सहिदको स्मृतिमा दिक्तेःमा मंगलबार र्यालीपछि दीप प्रज्वलन गरी श्रद्धाञ्जली अर्पण गरिएको हो ।
खोटाङ — जेन–जी आन्दोलनमा सहादात प्राप्त गर्नेहरूको स्मृतिमा दिक्तेलमा श्रद्धाञ्जली अर्पण गरिएको छ ।
सहिद भएका जेन–जीको सम्झनामा खोटाङका परिवर्तन जेन–जी समूहले मंगलबार दिक्तेलमा र्यालीपछि दीप प्रज्वलन गरी श्रद्धाञ्जली अर्पण गरेका हुन् ।
जेन–जी आन्दोलनमा ज्यान गुमाउनेहरूलाई पशुपति आर्यघाटमा सामूहिक अन्त्येष्टि गरिएको १३ औं पुण्यतीथिको अवसरमा श्रद्धाञ्जली कार्यक्रम गरिएको परिवर्तन जेन–जी समूहका नेतृत्वकर्ता निरेश राईले बताए ।
‘यतिबेला घर–घरमा महान् चाड आइरहेको छ तर जेन–जी आन्दोलनमा ज्यान गुमाउनेहरूको घरमा आँसु बगिरहेको छ,’ राईले भने, ‘भावी पुस्ताका लागि जीवन अर्पण गरेर जानु भयो, उहाँप्रति चोखो मनले श्रद्धासुमन व्यक्त गर्न श्रद्धाञ्जली कार्यक्रम आयोजना गरिएको हो ।’
