सुनसरी — जेन-जी आन्दोलनका कारण प्रहरी चौकीहरू विस्थापित भएको मौका छोरी पूर्वमा लागुऔषध गाँजाको तस्करी गर्ने क्रम बढेको छ ।

यस क्रममा सशस्त्र प्रहरी बलको टोलीले गएराति सुनसरीको इटहरीबाट ठूलो परिमाणमा गाँजा बरामद गरेको छ । इटहरी-५ स्थित स्यार्सेकाली पेट्रोल पम्मअगाडि पार्किङ गरेर राखिएको २ वटा ट्रकबाट ५ हजार केजी गाँजा बरामद गरेको छ ।

नियमित गस्तीका क्रममा रहेको सशस्त्र प्रहरी टोलीले पार्किङ गरेर राखिएको २ वटा ट्रकबाट १ सय ५८ वटा बोरामा प्याक गरिएको ५ हजार केजी गाँजा बरामद गरिएको सशस्त्र प्रहरी बल वराह वाहिनी मुख्यालय पकलीका वरिष्ठ प्रहरी उपरीक्षक सुधीरजङ्ग थापाले जानकारी दिए । थापाका अनुसार ना ४ ख २९०१ नम्बरको ठूलो ट्रकबाट १ सय २४ बोरा र बा ५ ख ११६९ नम्बरको मिनी ट्रकबाट ३४ बोरा गाँजा बरामद भएको हो ।