सुनसरीको दुहबी नगरपालिका-४ शिव मन्दिर चौकस्थित चन्द्रिका रौनियारको निर्माणाधीन घरको सेप्टी ट्यांकीमा स्थानीय ५० वर्षीय श्याम बहादुर तामाङ र वर्ष ३२ को रमेश राई मृत भेटिएका प्रहरीले जनाएको छ।
सुनसरी — सुनसरीको दुहबी नगरपालिका–४ मा दुई जनाको शव भेटिएको छ। दुहबी-४ शिव मन्दिर चौकस्थित चन्द्रिका रौनियारको निर्माणाधीन घरको सेप्टी टेंकीमा स्थानीय ५० वर्षीय श्याम बहादुर तामाङ र वर्ष ३२ को रमेश राई मृत भेटिएका प्रहरीले जनाएको छ।
तामाङ ठेकेदार हुन् भने राई कामदार रहेको जिल्ला प्रहरी कार्यालय सुनसरीका प्रहरी नायब उपरीक्षक योगराज खतिवडाले जानकारी दिए ।
उनीहरूको शव देखेपछि स्थानीयले प्रहरीलाई खबर गरेका थिए । घटनास्थलमा इलाका प्रहरी कार्यालय दुहबीबाट प्रहरी परिचालन गरी घटनाको अनुसन्धान सुरु गरिएको खतिवडाले बताए ।
थप अनुसन्धानको लागि धरानबाट फोरेन्सिक चिकित्सकको टोली झिकाइएको खतिवडाले बताए ।
