ताप्लेजुङ — सिदिङवा गाउँपालिका-६ मेहेले निवासी ५१ वर्षीया विष्णुमाया लिङ्देन बिहीबार मृत फेला परेकी छन् ।
हराएको ठाउँबाट एक सय ५० मिटरको दुरीमा उनी मृत भेटिएको तेल्लोक इलाका प्रहरी कार्यालयले जनाएको छ । उनी बुधबारदेखि बेपत्ता थिइन् ।
वडाध्यक्ष रत्नकुमार लिङ्देनका अनुसार विगतदेखि तर्ने स्थानबाट तरिरहेको भए पनि खोलामा पानी एक्कासि बढेर आएको अनुमान गरिएको छ । उनको शव पोस्टमार्टम गरी परिवारलाई बुझाउने तयारी भएको जिल्ला प्रहरी कार्यालयका सूचना अधिकारी विवेक बस्नेतले जानकारी दिए ।
