ताप्लेजुङ — मैवाखोला गाउँपालिका-१ खानीटोल चित्रे निवासी २४ वर्षीया वर्षा तामाङ मृत भेटिएकी छन् । मैवाखोला गाउँपालिकाका प्रवक्तासमेत रहेका वडा नम्बर १ का वडाध्यक्ष चन्द्र तामाङका अनुसार वैशाख ३० गते दिउँसोदेखि उनी घरबाट हराएकी थिइन् ।
मेरिङदेन गाउँपालिका-५ थुकिम्बा माइती घर भएकी उनको शव बिहीबार दिउँसो खानीटोलको जंगलमा भेटिएको छ । शव भेटिएपछि प्रहरी कार्यालयमा खबर गरिएको प्रवक्ता तामाङले जानकारी दिएका छन् ।
