संखुवासभा — भीरबाट लडेर चैनपुर–९ त्रिशुलेस्थित सिंह देवीथान जंगलमा बाख्रा चराउन गएका ८ वर्षीय दिलीप भण्डारीको बिहीबार मृत्यु भएको छ ।
बाख्रा चराउन गएका ८ वर्षीय बालक भण्डारी त्रिशुले भीरबाट करिब १५ मिटर तल खसेर घटनास्थलमै मृत्यु भएको जिल्ला प्रहरी कार्यालय संखुवासभाका प्रहरी निरीक्षक अभिषेक श्रेष्ठले बताए ।
घटनाका बारेमा थप अनुसन्धान भइरहेको जिल्ला प्रहरी कार्यालयले जनाएको छ । शव पोस्टमार्टमका लागि चैनपुर प्राथमिक स्वास्थ्य केन्द्र ल्याइएको प्रहरीले जनाएको छ ।
