ताप्लेजुङ — जिल्लामा झण्डै छ महिनापछि वर्षा भएको छ । जल तथा मौसम विज्ञान विभाग फिल्ड कार्यालय ताप्लेजुङका अनुसार सदरमुकाम फुङलिङमा ८ दशमलव ५ मिलिमिटर वर्षा भएको छ ।

शनिबार बिहान ८:३० बजे २४ घण्टा यता रेकर्ड गरिएको तथ्यांक हो । फक्ताङलुङ गाउँपालिका ६ घुन्सा ७ ओलाङचुङगोला सहित पाथीभरा क्षेत्रमासमेत बाक्लो हिउँ परेको छ । 

पाथीभरा क्षेत्र विकास समितिका कर्मचारी राजेन्द्र महतका अनुसार ३१ सय मिटर माथिको माथिल्लो फेदिदेखि ३८ सय मिटर उचाईको पाथीभरा मन्दिरसम्म बाक्लो हिउँ जमेको छ ।

यता, पाथीभरा याङवरक गाउँपालिका १ नाङखोल्याङमा असिनासमेत परेको किसानले बताएका छन् ।