हिउँदमा भने अव जिल्लाका सवै वडामा यातायात चल्ने भएको छ । भौगोलिक हिसावले जिल्लाको आधा वढी भुभागमा रहेको फक्ताङलुङ गाउँपालिकाले हिउँदमा यातायात सञ्चालनका लागि अस्थायी पुल बनाइदिने गरेको छ ।

एकदेखि अर्को वडा जोड्नकालागि सिंवा, छिरुवा, तापेथोक लगायतका स्थानमा यस्ता पुल वनाउने गरेको हो । बार्षिक कार्यक्रमनै बनाएर पुल वनाउने गरिएको र यस्ले सवैजसो वस्तिमा यातायात पुग्न सहयोग पुर्याएको गाउँपालिका अध्यक्ष राजन लिम्वू बताउँछन । मिक्वाखोला लगायतका कतीपयमा हाइड्रोपावर सञ्चालकले होमपाइप राखेर खोलामा हिउँदे पुल बनाउने गरेको मिक्वाखोला गाउँपालिका अध्यक्ष भत्तवहादुर कार्कीले जानकारी दिए । 

ताप्लेजुङमा एक नगरपालिका र आठ गाउँपालिका रहेको छ । फुङलिङ नगरपालिका भित्रका सबैजसो वस्तिसम्मै यातायातको पहुँच पुगेको छ । फक्ताङलुङ, सिदिङबा र सिरिजंगा जस्ता गाउँपालिकामा भनें बस्तिसम्म पुर्‍याउन अझै समय लाग्ने स्थानीय बताउँछन ।

फक्ताङलुङ-७ को वडा कार्यालय ओलाङचुङङगोला सम्म पुगेपनि यहाँबाट याङ्‌मा बस्ती पुग्न पुरै एक दिन पैदलयात्रा गर्नुपर्छ भने वडा नं. ६ लेलेपबाट घुन्सा, खम्बाछेनकालागि दुई दिन हिड्नु पर्छ । यी बस्तीमा सडक पुग्न अझै वर्षौँ लाग्नसक्ने स्वयम् वडाध्यक्षहरु बताउँछन । तर वडामै सडक नपुगेको चाँही अब कुनै नभएको वडाध्यक्ष छेतेनले बताए ।