वर्षायाममा सडक हिलाम्मे र अवरुद्ध हुँदा बिरामी ओसारपसार, खाद्यान्न ढुवानी तथा विद्यार्थीको आवतजावतमा समस्या हुने गरेको उनले बताए । ‘सडक नहुँदा जनताले राज्यको अनुभूति गर्न पाएका छैनन्,’ रिजालले भने, ‘विकासका सामान्य पूर्वाधारका लागिसमेत आन्दोलन गर्नुपर्ने अवस्था दुःखद हो ।’

विद्युतीकरण नहुँदा स्थानीयले अझै परम्परागत इन्धन र सोलारकै भर पर्नुपरेको भन्दै उनले ग्रामीण बस्तीलाई प्राथमिकतामा राखेर विद्युत् विस्तार गर्न माग गरे । ‘सडक, सञ्चार र विद्युत् अहिलेको समयमा विलासिताका विषय होइनन्, आधारभूत आवश्यकता हुन्,’ उनले भने ।

रिजालले माग पूरा नभएसम्म धर्ना जारी राख्ने चेतावनी दिएका छन् । उनले प्रदेश सरकार जनताको आधारभूत आवश्यकता र दुर्गम क्षेत्रको समस्याप्रति संवेदनशील बन्नुपर्ने बताए ।