दुई हजार क्षेत्रफलमा फैलिएको बगैंचामा रोपिएको स्याउमा क्षति पुगेको हो । 'बर्षौंदेखिको मेहनत आगोले सकिदियो',भण्डारीले भने,‘आम्दानी हुने बेलामा विपत्ति आइलाग्यो ।’ बगैंचामा सुख्खा घाँस धेरै भएकोले आगो नियन्त्रणमा लिन कठिन भएको थियो । प्रहरीले घटनाको अनुसन्धान भइरहेको जनाएको छ । 

झण्डै ६१ हजार वर्गमिटर क्षेत्रफलमा फैलिएको यस बगैंचामा १ हजार ६ सय बिरुवा छन्, जसमा ९ सय स्थानीय र ७ सय फुजी जातका स्याउ छन् । ०६९ सालमै घेराबन्दी र पूर्वाधार निर्माणमा १२ लाखभन्दा बढी खर्च भएको यो बगैंचामा हालसम्म कुल ५० लाख रुपैयाँ लगानी भइसकेको छ । 

अघिल्लो वर्ष ७५ हजार रुपैयाँ, गत वर्ष करिब डेढ लाख आम्दानी भएकोमा यस वर्ष ८ देखि १० लाख रुपैयाँसम्म आम्दानी हुने अनुमान गरिएको थियो । तर बगैंचामै आगो लागेपछि उनको सपना असफल बनेको छ । बगैंचा स्याउ फुलेर सेताम्य थियो । पटकपटक बर्षा भएकोले यो पटक राम्रै स्याउ फल्ने अनुमान गरिएको थियो ।