महोत्तरीको रतैली नगरपालिका–७ घर भएका डा. साह आइतबार बिहानदेखि सम्पर्कविहीन रहेका थिए।
सल्यान — जिल्ला अस्पताल सल्यानमा कार्यरत एमडिजिपी चिकित्सक डा. बुद्धिनाथ साहले अचेत अवस्थामा फेला परेका छन् ।
महोत्तरीको रतैली नगरपालिका–७ घर भएका डा. साह आइतबार बिहानदेखि सम्पर्कविहीन रहेका थिए । उनको खोजीका क्रममा अस्पतालको निर्माणाधीन भवनमा विषादी सेवन गरी अचेत अवस्थामा भेटिएको जिल्ला प्रहरी कार्यालय सल्यानका सूचना अधिकारी प्रहरी निरीक्षक पूर्णबहादुर केसीले बताए ।
गम्भीर अवस्थामा भेटिएका साहलाई थप उपचारका लागि हेलिकप्टरमार्फत सुर्खेत हुँदै काठमाडौं लैजाने तयारी भइरहेको उनले जानकारी दिए । सुर्खेतबाट हेलिकप्टर मगाइए पनि खराब मौसमका कारण दिउँसो डेढ बजेसम्म आउन सकेको छैन ।
