२०३५ सालमा जन्मिएका ४७ वर्षीय रोकाया सिमकोट गाउॅपालिकास्थित तल्लोगाउॅका बासिन्दा हुन् । उनले एसएलसीसम्मको अध्ययन पूरा गरेका छन् । गत प्रतिनिधिसभा निर्वाचनमा पूर्व माओवादीका छिरिङ डम्डुल लामा (भोटे) विजयी भएका थिए भने २०७४ को निर्वाचनमा स्वतन्त्र उम्मेदवार छक्कबहादुर लामाले निर्वाचन जितेका थिए । पछि उनी माओवादी केन्द्रमा प्रवेश गरेका थिए ।

दोस्रो संविधानसभाको निर्वाचनमा क्षेत्र नं. १ बाट कांग्रेसका जीवनबहादुर शाही निर्वाचित भएका थिए । त्यसयता हुम्लामा प्रतिनिधिसभा सदस्यमा कांग्रेस उम्मेदवार विजयी हुन सकेका थिएनन् । 

विजयी भएसॅगै रोकायाले पिछडिएको जिल्लाको आवाज संसद्सम्म पुर्‍याउने र जिल्लालाई समृद्ध बनाउन आफूले पहल गर्ने बताए ।

‘हुम्लालाई मूलधारको राजनीतिसँग जोड्दै यहाँका भौगोलिक, सामाजिक, आर्थिक समस्या समाधानका लागि मेरो पहल हुनेछ,’ उनले भने, ‘भावनात्मक राजनीति होइन, परिणाम देखिनेगरि काम गर्न संसद्‍मा क्रियाशील हुनेछु ।’
-कृष्णप्रसाद गौतम