डोल्पा — तीन पटकसम्म चुनाव जित्दासमेत आफैंलाई मतदान नगरेका उम्मेदवार धनबहादुर बुढाले यस पटक पनि मत नहाल्ने बताएका छन्  ।

२०७०, २०७४ र २०७९ मा प्रतिनिधि सभा सदस्य निर्वाचन लडेर निर्वाचित भएका बुढाले यस पटक पनि आफू मत हाल्न नजाने बताएका हुन् ।

‘मैले यस अघि तीनपटक चुनाव जितेँ । तिनै पटक मत हाल्न गइनँ । यस पटक पनि दुनैस्थित घरमा भएकाले मत हाल्न जाँदैन,’ बुढाले भने ।

आफ्नो मतदाता नामावली काइके गाउँपालिका–२ स्थित अरनिको मावि शहरतारमा भए पनि मत हाल्न नजाने उनको भनाइ छ । उनी नेपाली कम्युनिष्ट पार्टीको उम्मेदवार हुन् । जिल्लाभर समन्वय गर्नुपर्ने भएकाले मतदान गर्न गाउँ जान नभ्याउने उनको भनाइ छ ।