प्रहरी टोलीले खुकुरीसहित ३ जनालाई नियन्त्रणमा लिएको छ
वीरेन्द्रनगर — टिकटकमा खुकुरी देखाई भिडीयो पोस्ट गरी सार्वजानिक खलल पुर्याउने व्यक्तिलाई सुर्खेत प्रहरीले पक्राउ गरेको छ ।
पक्राउ पर्नेमा कालीकोटको शुभकालिका गाउँपालिका घर भई वीरेन्द्रनगर-१० एयरपोर्ट बस्ने १८ वर्षका सुरेन्द्र शाही,दैलेख घर भई वीरेन्द्रनगर-१० एयरपोर्ट बस्ने १९ वर्षका असिम सावद,दैलेख घर भई वीरेन्द्रनगर-११ पिपिरा बस्ने १८ वर्षका प्रकाश सुनार छन् ।
उनीहरूलाई जिल्ला कार्यालयबाट खटिएको प्रहरी टोलीले खुकुरीसहित नियन्त्रणमा लिएको जिल्ला प्रहरी प्रवक्ता डीएसपी मोहनजंग बुढथापाले जानकारी दिए । उनीहरूमाथि थप अनुसन्धान भइरहेको उनले बताए ।
