डोल्पा — नेकपा एमाले डोल्पाले प्रतिनिधि सभा सदस्य निर्वाचनका लागि तीन जनाको नाम सिफारिस गरेको छ । सोमबार सदरमुकाम दुनैमा बसेको जिल्ला कमिटी बैठकले केन्द्रमा तीन जनाको नाम सिफारिस गरेको हो ।

आगामी फागुन २१ मा हुने निर्वाचनका लागि जिल्ला अध्यक्ष लंकबहादुर रोकाय, केन्द्रीय सदस्य बदमी क्वारी बुढा बोहरा, प्रदेश कमिटी सदस्य पूर्णबहादुर डाँगीको नाम सिफारिस गरेको हो ।

दिनभर चलेको बैठकमा एकल उम्मेद‍वार सिफारिसका लागि धेरै प्रयास गरे पनि तीनै जनाले अडान नछोडेपछि सबैको नाम सिफारिस गरिएको एमाले स्रोतले बताएको छ ।