रुकुम पश्चिम — मुसिकोट नगरपालिका–९ लालिबाङका एकजना स्थानीय सम्पर्कविहीन भएका छन् । गत बिहीबार घरबाट निस्केका ६५ वर्षीया भिमबहादुर खड्का अहिलेसम्म सम्पर्कमा आउन नसकेको उनको परिवारले जानकारी दिएको छ ।

भिमबहादुरका छोरा अमर खड्काका अनुसार मंगलबार अपराह्न साढे ३ बजेदेखि उनी परिवारको सम्पर्कमा छैनन् । ‘बिहानतिर छिमेकमा गएका बा त्यसपछि फर्किएका छैनन्,’ उनले भने, ‘हामीले त्यसको दुई दिनपछि गत शनिबार झुल्खेतमा रहेको प्रहरी चौकीमा पनि खबर गरेका छौ । तर त्यहाँबाट केही जानकारी आएको छैन ।’

साथै उनले नजिकै रहेको चुन खोला छेउमा उनले लगाउने गरेको चप्पल भेटिएको पनि बताएका छन् । ‘हामीले खोला छेउछेउदेखि खोज्दै सानीभेरी नदीसम्म पुगेका छौ । अहिलेसम्म्म सिम्ली पुगेका छौं । तर कुनै अत्तोपत्तो छैन ।’