सडकमा पहिरो खस्दा नाग्म–गमगढीदेखि फर्किने र रारा तालको अवलोकन गर्न जाने पर्यटकहरूले ल्याएका सवारीसाधन अलपत्र परेका थिए ।
जुम्ला — कर्णालीको प्रमुख पर्यटकीय गन्तव्य रारा ताल जाने नाग्म-गमगढी सडकमा पहिरो पन्छाएपछि चार घन्टापछि सडक खुलेको छ ।
बिहान ८ बजे जुम्लाको हिमा गाउँपालिका-७ बागबजार नजिकै पहिरो झरेको थियो । सडकमा पहिरो खस्दा नाग्म–गमगढीदेखि फर्किने र रारा तालको अवलोकन गर्न जाने पर्यटकहरूले ल्याएका सवारीसाधन अलपत्र परेका थिए । सडक डिभिजन कार्यालयले सडक खुलेको जनाएको छ ।
कार्यालय प्रमुख दीपेन्द्रकुमार चौधरीले पहिरो पन्छाउन आवश्यक उपकरण र जनशक्ति परिचालन भएको थियो ।
सशस्त्र प्रहरी, नेपाल प्रहरी, सडकका कर्मचारी र स्थानीय समेत लागेर सडक खुलाएका हुन् ।
