घरमा क्षति पुगेपछि प्रभावित परिवार छिमेकीको घरमा बस्न बाध्य भएका छन् ।
वीरेन्द्रनगर — निरन्तरको वर्षाले घर भत्किँदा मुगुका ९ परिवार विस्थापित भएका छन् । छायाँनाथ रारा नगरपालिका-१० चराप गाउँका ९ परिवार विस्थापित भएका हुन् ।
अविरल वर्षाले घरमा क्षति पुगेको जिल्ला प्रहरी कार्यालय मुगुका प्रवक्ता अच्युतराज आचार्यले बताए । उनीहरू छिमेकीकै घरमा बसिरहेका छन् ।
स्थानीय सिर्जना बडुवालले घरभित्र रहेका अन्न, भाँडाकुँडालगायत अन्य उपभोग्य सामग्री र धनमाल सबै नष्ट भएको बताइन् । पीडितहरुलाई राहत उपलब्ध गराउन उनले माग गरिन् ।
