वीरेन्द्रनगर — सुर्खेतको भेरी पुल नजिकै दुर्घटना हुँदा ९ जना घाइते भएका छन् । सोमबार बिहान सुर्खेतबाट दाङतर्फ जाँदै गरेको क.प्र.०२००१ ख.०४३८ नम्बरको फोर्स गाडीलाई र छिन्चुबाट सुर्खेततर्फ आउँदै गरेको क.प्र.०२००१ क.००३७ नम्बरको टिप्परले ठक्कर दिएको हो ।
फोर्स गाडीमा चालकसहित ९ जना सवार थिए । ९ जना नै घाइते भएका जिल्ला ट्राफिक प्रहरी कार्यालय सुर्खेतले जनाएको छ ।
घाइतेको उपचारको लागि वीरेन्द्रनगर ल्याइएको ट्राफिक प्रहरी प्रमुख वकिल सुनारले जानकारी दिए । घाइतेहरूको प्रदेश अस्पताल र माया नर्सिङ होममा उपचार भइरहेको छ ।
टिप्टर चालक फरार छन् । उनको खोजी भइरहेको प्रहरीले जनाएको छ ।
