सुर्खेत — दैलेखको ठाटीकाँध गाउँपालिका-१, सिराडी ग्वालिपिन्नमा गएराति तीन महिनाको शिशु बेपत्ता भएको छ। गएराति ९ बजेतिर स्थानीय बमबहादुर बुढाकी तीन महिनाकी छोरी श्रीया बुढा घरमा सुतिरहेको अवस्थामा बेपत्ता भएको परिवारको भनाइ छ ।
बमबहादुरका दाजु दीपक बुढाले घर पछाडी लागेको आगो निभाउन गएको बेला छोरी कसले उठाएको बताए । उनले भने, ‘कुनै समुहले आगो लगाएर निभाउन गएको मौकामा बच्चा उठाएर भागेको शंका छ ।’
घटनालगत्तै स्थानीयले ठाटीकाँध प्रहरी चौकीमा खबर गरेका थिए । राति नै प्रहरी त्यहाँ पुगेर खोजतलासी गर्दा कुनै पत्ता नलागेको जिल्ला प्रहरी कार्यालय दैलेखमा प्रहरी प्रमुख सुनिल दाहालले बताए ।
