सल्यान — घाँटीमा अमला अड्किएर सल्यानमा चार वर्षीय बालकको मृत्यु भएको छ । जिल्लाको सिद्धकुमाख गाउँपालिका–२ कुइयाझोलका देवीलाल ओली र अमृता ओलीका छोरा सुशान्त ओलीको मृत्यु भएको हाे ।
आफ्नै घर नजिकैको बोटबाट अमला टिपेर ल्याई खेल्दै गर्दा बालक ओलीले खाएका थिए । अमला घाँटीमा अड्किएपछि जिल्ला अस्पताल सल्यान ल्याउँदै गर्दा बाटैमा उनको मृत्यु भएको वडाध्यक्ष मेघबहादुर बुढाथोकीले बताए ।
मृत्यु भएका बालकको दाहसंस्कारसमेत भइसकेको उनले जानकारी दिए ।
