वीरेन्द्रनगर — प्रदेश अस्पताल सुर्खेतलाई सिकलसेल जाँच मेसिन हस्तान्तरण गरिएको छ । बिहीबार वीरेन्द्रनगर नगरपालिकाकी प्रमुख मोहनमाया ढकालले अस्पतालाई मेसिन हस्तारन्तरण गरेकी हुन् । 

थारु समुदायमा बढी देखिने रक्तअल्पतासम्बन्धी रोग सिकलसेल एनिमिया जाँच मेसिन जडान भएसँगै प्रदेश अस्पतालमा सेवा सुरू भएको हो । एनिमियाको उपचारको अन्यत्र धाउनुपर्ने बाध्यताको अन्त्य भएको छ । नगरपालिकाले १८ लाखभन्दा बढी मूल्य पर्ने मेसिन उपलब्ध गराएको हो ।

नगरप्रमुख ढकालले वीरेन्द्रनगर उपत्यकाका आदिवासी थारु समुदायको स्वास्थ्य प्रवर्द्धन र संरक्षण गर्न पालिकाले लिएको वार्षिक नीतिअनुसार अघि बढेको बताइन् । समयमै रोग पहिचान नहुने तथा परीक्षण गर्न अन्यत्र जानुपर्ने बाध्यताको अन्त्य गर्न अस्पतालसँग समन्वय गरेर मेसिन उपलब्ध गराइएको उनले जानकारी दिइन् ।