सल्यान — कोठामा लागेको आगोसहितको धूवाँले निसास्सिएर सल्यानमा एक पुरुषको मृत्यु भएको छ । जिल्लाको बाग्चौर नगरपालिका–८ कोटमौला घर भएका ३३ वर्षीय सन्दीप योगीको मृत्यु भएको हो ।
आइतबार राती चुरोट खाएर फालेको ठुटो सिरक तथा अन्य कपडामा सल्किंदा त्यसैबाट आगलागी भएको र कोठामा अक्सिजनको कमी हुँदा निसास्सिएरै उनको मृत्यु भएको जिल्ला प्रहरी कार्यालय सल्यानका प्रहरी निरीक्षक बाबुराम बस्नेतले बताए ।
मृतकका बाबुआमा उपचारका लागि भारत गएको र आफूहरू नआउँदासम्म शव नउठाउन भनेपछि जिल्ला प्रहरी कार्यालय सल्यान र इलाका प्रहरी कार्यालय थारमारेबाट गएको प्रहरी टोलीले घटनास्थल सुरक्षित गरेर राखेको उनले जानकारी गराए ।
