काठमाडौँ — डोल्पाको त्रिपुरासन्दरी नगरपालिका–५ को वडाध्यक्षमा नेकपा माओवादी केन्द्रका नरबहादुर झाँक्री विजयी भएका छन् ।
स्थानीय तहको उपनिर्वाचन अन्तर्गत सोमबार बिहान मतगणनाको अन्तिम परिणामअनुसार वडाध्यक्षमा नेकपा माओवादी केन्द्रका नरबहादुर झाँक्री विजयी भएका हुन् ।
उनले उनले १ सय ६१ मत ल्याउँदै एमालेका नरबहादुर रोकालाई पराजित गरेका हुन् । रोकाले एक सय १६ मत ल्याए । यसअघि २०७९ को स्थानीय तहको निर्वाचनमा यो वडामा वडाध्यक्ष एमालेले जितेको थियो । उती बेला एमालेका नन्दलाल रोका १ सय आठ मत प्राप्त गरी निर्वाचित भएका थिए ।
