राजस्थान — भारतको राजस्थानको सिकर जिल्लामा एक अन्तिम संस्कारका क्रममा मौरीले आक्रमण गर्दा मलामीको भागाभाग भएको छ । चितामै शव छाडेर भागेका मलामीले डेढ घण्टापछि हेलमेट लाएर शव जलाएका छन् ।

सिकर जिल्लाको श्रीमाधोपुर क्षेत्रको कन्चनपुर गाउँमा उक्त घटना भएको हो । स्थानीय मसानघाटमा अन्तिम संस्कार गर्ने क्रममा मौरीले मलामीमाथि आक्रमण गरेको थियो । 

उक्त घटनामा २५ भन्दा बढी घाइते भएका छन् । १५ जना गम्भिर अवस्थामा रहेकालाई जिल्लाको खन्डेलारोडस्थित एक निजी अस्पतालमा भर्ना गरिएको हो । 

स्थानीय ८० वर्षीय माधोसिंह शेखावतको निधनपछि अन्तिम संस्कारका लागि उनको शव लिएर मलामी गाउँकै मसानघाट पुगेका थिए । जलाउनका लागि चितामा शव राखे । त्यसपछि केही मलामी मसानघाटमा राखिएका दाउरा लिएन गए ।